栋笃笑《秋前算账》于1997年4月10日在香港伊利沙伯体育馆首演，是黄子华栋笃笑系列的第六辑。1997秋前算账篇九七近来大家觉唔觉得在街上经常见到一滴横额呢写住一样嘢，我成日都见到嘅，写住呢：“全港市民热烈庆祝回归”。今晚我趁住尼个机会同大家做一个测验呢就系，在座嘅有边位系真系热烈庆祝回归嘅，你拍拍手得嘛除咗你之外基本上尼度冇香港人。你们听得明白吗？可以吗？啊这位朋友有问题啊。真系，认真滴大家，你真系热烈庆祝回归嘅请拍拍手个阿妈就逼个仔：“拍啦，衰仔，宜家咩时候啊，咁都唔拍”。呵呵，咁样就叫热烈啦，大家听到啦。“全港市民热烈庆祝回归”十只字，有八只字系呃人嘅，系得翻“回归”果两只字系真嘅各位。但系你唔好睇小回归尼两只字啊，单单净系因为尼两只字，我知道香港一定会好。因为大家记唔记得最初，回归唔系叫回归，最初回归系叫乜嘢？收翻！最初我地叫做“全港市民热烈庆祝收翻”。我唔记得收翻几时变咗做回归喔，净系记得呢，呐，收翻嘅意思呢，就系好被动嘎，隔硬来嘎，人地都唔想嘅，系嘛。哇宜家回归就唔同啦，回归果种感觉就系好主动嘅，热切期望，忽然爱国，“全港市民热烈庆祝回归，Leon!”，好兴奋嘎，哈。所以我话香港一定会好即系点解呢，大家捻下，呐我地能够将个咁被动嘅现实原本，宜家转化为一种咁主动嘅欢乐